Медиа-К долбоору

«Медиа-К» – бул Кыргызстандагы Интерньюстун көз карандысыз медиаларга колдоо көрсөтүү боюнча тармактык ири долбоору

Кыргызстандагы Интерньюстун командасы FHI360 менен биргеликте жана АКШнын Эл аралык өнүктүрүү агенттигинин колдоосу менен долбоордун алгачкы үч жылдык фазасын 2017-жылдын октябрынан 2020-жылдын октябрына чейин иш жүзүнө ашырган болчу.

2020-жылдын июлунда долбоор 2022-жылдын 30-сентябрына чейин дагы эки жылга узартылган.

«Медиа-К» долбоорунун алкагында сынактын негизинде тандалык алынган негизги өнөктөргө: онлайн редакцияларга, ТВ жана радиокомпанияларга институционалдык колдоо көрсөтүү аяктады.

Кыргызстандагы Интерньюстун командасы долбоорду ийгиликтүү ишке ашыруунун жыйынтыгында Кыргызстанда медиакоомчулуктун тилектештиги жакшыргандан сырткары калктын медиасабаттуулугун өстүрүүгө зор салым кошкон төкмө-акындар коомчулугунун, күчтүү иликтөөчү журналисттердин жана дата-журналисттердин, инфлюэнсер-блогерлердин пайда болушу менен сыймыктанат.

«Медиа-К» долбоору өспүрүмдөр үчүн «Акыркы сабак» деген аталыштагы кыргыз тилиндеги биринчи сериалдын тартылышына колдоо көрсөттү. Бул сериал 2022-жылдагы кино жаатындагы эң көрүнүктүү көрүнүштөрдүн бири болду.

Социалдык-маанилүү контентти жаратуу алкагында 12 даректүү жана кыска метраждуу көркөм тасма тартылган. Алардын бир тобу эл аралык кинофестивалдарда сыйлыктарды утуп алышты.

2022-жылдын күзүнөн баштап «Фридом Хаус» уюмунун катышуусу менен жана USAID’дин колдоосу менен долбоордун жаңы беш жылдык этабы башталды.

Кыргызстандагы Интерньюс кезектеги беш жылда көз карандысыз медиаларга колдоо көрсөтүүдө аймактык редакцияларга жана кыргыз тилиндеги контентке басым кылмакчы.

Жаңы фазанын алкагында көз карандысыз медиалардын мүмкүнчүлүктөрүн арттыруу, алардын каржылык туруктуулугун бекемдөө боюнча иштер башталды. Ошондой ЖМКлардын санариптик коопсуздугун камсыздоого көңүл бурулуп, сөз эркиндигин коргоо үчүн укуктук жардам көрсөтүлүп келет.

«Медиа-К» төмөнкү багыттагы иштерин улантмакчы:

— сынактын негизинде социалдык маанилүү контентти өндүрүүгө гранттарды бергенди;

— медиасындын өнүгүүсүнө көмөктөшкөндү;

— медиа адистер үчүн тренингдер менен семинарларды уюштуруп турганды;

— дата-журналистикага колдоо көрсөткөңдү;

— жалган маалыматтар менен күрөшкөн фактчекерлер менен байкоочулардын тармагын өнүктүргөндү;

— кенен аудиториянын арасында медиа сабаттуулукту жайылтканды;

— аймактык журналистиканын мүмкүнчүлүктөрүн өстүрүүгө жардам бергенди.

Интерньюстун командасы жыл сайын Тармактык «Медиа топтоо» форумун жана кесипкөй журналисттердин арасындагы Улуттук «Умтулуу-Стремление» сынагын, ошондой эле Блогерлердин курултайын өткөрүп келет.

Толук маалымат бул жерден таба аласыз.