“Суроо берген адам” тасмасы Кытайда өткөн кинофестивалда мыкты режиссура үчүн сыйлык алды

Blue Planet («Көк планета») илимий-фантастикалык тасмалардын 4-фестивалы 2022-жылдын 30-декабрында онлайн өтүп, негизги сынактын жана питчингдин жеңүүчүлөрү аталды. 

“Суроо берген адам” («Ask») тасмасы аталган фестивалдын мыкты режиссура үчүн сыйлыгын алды.

Антиутопия – илимий-фантастикалык баяндоонун маанилүү түрү. Бул учурдун образын талкалаш үчүн абсурддуу жана эки жүздүү социалдык тамсилди беллетризация кылуу болуп саналат.

«Бул илимий-фантастикалык тасма – жылдын сейрек антиутопиялык илимий-фантастикалык шедеври.

Режиссер дүйнөнүн абсурддуулугуна өспүрүмдүн көзү менен карап, образдын кайталангыс эстетикасын көрсөтүп, түшүнүктүү, бирок ошол эле кезде абсурддуу социалдык көрүнүштүү көрсөттү жана аны мыкты ансамбль драматургиясы жана мизансценалары менен толуктады”, - деп айтылат тасманын аннотациясында.

Сыйлыктын ээси Blue Planet премиясынын тапшыруу аземинде аталып, бул тууралуу маалымат расмий түрдө 2022-жылдын акыркы күнүндө жарыяланган.

Ага чейин “Суроо берген адам” («Ask») тасмасы кезектеги тандоо раундунан өтүп, негизги сынактын 12 финалистинин тизмегине киргени белгилүү болгон.

Антиутопия-тасманын режиссеру Назайбек Сыдыков бул өтө мыкты фестиваль экенин жана ал тасманы көрсөтүүгө, курамы күчтүү жюринин баасын алууга жакшы мүмкүнчүлүк берээрин белгилейт.

2019-жылы негизделген Blue Planet («Көк планета») кинофестивалы – Кытайдагы илимий-фантастикалык тасмалардын биринчи фестивалы жана ал чек араларды билбеген, кенен мүмкүнчүлүктөрдү берген ири маданий окуя болуп саналат.

Ал жыл сайын кытайдын Цзянсу провинциясында, Нанкинде өткөрүлүп турат, бул күндөрү ага 30дан ашык өлкөдөн 1000ден ашык эмгектер келип түшөт.

Негизги кыска метраждуу илимий-фантастикалык тасмалардын сынагынан сырткары 2020-жылдан баштап Blue Planet сценарийлердин жана кинодобоорлорго инвестициялардын питчингин өткөрүп турат. 500дөн ашык билдирме түшкөн.