Internews’тун окуу борборунда медиа сынчылар үчүн визуалдык баяндоо жана мобилография боюнча 4 күндүк семинар өттү.
«Башта» Instagram каналынын белгилүү автору Азат Рузиев тренер болду. Ал үйрөнчүктөр үчүн видео жаратуу боюнча татаал курсту түшүнүктүү айтып берип, катышуучуларды коомдук тармактар үчүн мурда тааныш эмес контент форматтары менен кызыктыра алды.
Азат Рузиев медиа сынчылар менен видеого текст жазуудагы лайфхактар менен бөлүшүп, аларды мобилдик түзүмгө видео тартуу үчүн аксессуарлар менен тааныштырып, жарык жана үн менен иштөөнү, ошондой эле CapCut колдонмосунда кыска видеолорду кантип монтаждоону үйрөттү.
Тренингдин катышуучулары смартфондорго видео тартууну, видеоматериалдарды иштетип чыгууну, суфлерду колдонууну, титрлерди жазууну жана визуалдык эффекттерди колдонууну үйрөнүштү. Алардын бардыгынын пикиринде, видео өндүрүшкө өтүү алардын аудиториясын көбөйтөт жана сын материалдарды кеңири жайылтууга жардам берет.
Медиасын – 2022-жылы башталган КРдеги Интерньюстун «Медиа-К» долбоорунун алкагындагы багыт. Ал жалпыга маалымдоо каражаттарынын кесипкөйлүгүн жана чыгармачылыгын, жоопкерчилиин жана тилектештигин, этикалык стандарттарын жана журналистиканы өнүктүрүүнүн башка көптөгөн критерийлерин камтыган ЖМКлардын абалын талдоого, баалоого жана болжолдоого багытталган.
Медиа сынчылардын тексттери менен internews.kg сайтынын тиешелүү бөлүмүнөн таанышууга болот.
Медиа сын программасынын координатору Азамат Тынай төмөнкүлөрдү белгиледи:
«Медиа сынчылар, менин пикиримде, кыска убакыттын ичинде өздөрүнүн чыгармачылык жана кесиптик жактан өсүүсүндө алга карай эбегейсиз зор кадам жасай алышты. Эми алар өз алдынча тапшырмаларды аткаруу менен алган практикалык көндүмдөрүн жакшыртышы керек болот».
2025-жылдын 15-январында медиа сынчылар кылган иштерин чогуу талкуулоо үчүн жана келечектеги видеомейкерлер катары иштерин пландоо үчүн дагы бир жолу жыйынтыктоочу воркшопко чогулушат.
